CaspianStart-Up 2020

Caspian Startup – Ақтау қаласындағы Назарбаев Зияткерлік мектебінің төл жобасы. Сайыстың басты мақсаты – жаңа жобаларды таныстыру алаңын құру, инновациялық бірлестіктің әлеуетін көрсетіп, оны қолдау, Маңғыстау облысындағы белсенді жастар мен стартап, бизнес-идея іздеген кәсіпкерлерді жүздестіру алаңын қалыптастыру.

«Caspian Startup –2018»- үш кезеңнен тұрды. Жоба қатысушысы ең алдымен бастағысы келетін бизнес туралы екі минуттық видео түсірді. Содан соң жобаның маңыздылығы, сұранысы, тиімділігі туралы презентация дайындап, www.caspianstartup.kz сайтына тіркелді. Ал іріктеу кезеңінде байқаудың қазылар алқасы жобалардың ішінен ең үздік 15 жобаны таңдап, ақтық кезеңге жолдады. Финалистер бизнес-жобаларын кәсіпкерлер мен қазылар алқасының алдында қорғады. Байқаудың жеңімпазына жобасын бастау үшін 300 мың теңге берілді. Ал ІІ орынға - 250 мың, ІІІ орынға - 200 мың теңге қарастырылды.

Жарыс нәтижесінде Маңғыстаудағы Түйесу жерінен сафари жасауды ұсынған Ақтаудағы Назарбаев Зияткерлік мектебінің 11-сынып оқушысы Дана Ақуал бас жүлдеге лайық деп танылып, 300 мың теңге көлемінде қаржылай сыйлыққа ие болды. Ал, екінші орын ерікті қан тапсырушылар базасын жасақтауды ұсынған Астанадағы физика-математика бағытындағы Назарбаев Зияткерлік мектебінің 11-сынып оқушысы Қуаныш Аманғалиға бұйырды. Оған «Forte bank» АҚ Маңғыстау облыстық филиалы мен «MKS Logistics» ЖШС атынан 250 мың теңге берілді. Үшінші орынға тігілген 200 мың теңге Бейнеу лицейінен келген Лауахаев Нұр, Аягузов Ғалымжан және Бекзат Салиевке берілді. Мектеп оқушылары асық ойнынан әйгілі монополия ойынын жасауды ұсынған болатын.

Стартап жобалар байқауына «Атамекен» кәсіпкерлер палатасының Маңғыстау облыстық филиалы, «Mediana» ІТ-компаниясы, «Жас Отан» жастар партиясы, «Mangystau» телеарнасы және «Inaktau.kz» қалалық ақпараттық порталы демеушілік етті.

Маңғыстау обылсындағы жастардың стартап жобаларды қолға алып, оларды жүзеге асыруға ынталандыру мақсатында облыс кәсіпкерлері белсенділік танытты. Жарыс қорытындысында байқаудың бас демеушілері «Forte bank» АҚ Маңғыстау облыстық филиалы мен «MKS Logistics» ЖШС 8 қатысушыға 30 мың теңгеден сыйақы берсе, «Евровояж -Ақтау» авиатурагенттігі және «Сәулет Компани ЛТД» құрылыс компаниясынан 500 мың теңге көлеміндегі қаржылық сыйақы 4 жобаға берілді.Сонымен қатар, «Атамекен» «Атамекен» кәсіпкерлер палатасының Маңғыстау облыстық филиалының көмегімен және облыстағы кәсіпкерлердің шешімімен «Caspian Start-Up 2018» стартаптар байқауының финалындағы 4 жоба қаржыландырылатын (инфестиция құйылады) болып шешілді.

«Caspian Startup –2019» - бизнес-идеялар сайысына 190-нан аса жобадан өтініш келіп түсті, оның 170-і жарысқа қатысты. Жастарды кәсіпкерлікке баулып, тың идеяларды іздеген сайыс биыл «ІТ», «Ғылым және технология», «Әлеуметтік жобалар», «Туризм», «Агробизнес» бағыттары бойынша үздік стартаптар анықталып, 25 –і ақтық кезеңге өтті. Олар сәуірдің 27-сі күні жарыстың ақтық кезеңінде кәсіпкерлерден құралған қазылар алқасында қорғап, жүлделі 1 миллион 750 мың теңге үшін таласты.

Қатысушылар «Әлеуметтік жобалар» номинациясында белсенділік көрсетті. 53 жобаның ішінен бес жоба ғана іріктеліп алынды. Ал «Агробизнес» номинациясына 40, «Туризмге» - 35, «Ғылым және технологияға» 45 өтініш келді. Ал «ІТ» номинациясына 21 жоба қатысты.

Кәсіпкерлерден құралған қазылар алқасының алдында қатысушылар өз жобаларын7 минут ішінде таныстырып шықты. Конкурстық комиссия шешімімен «IT» бағытындағы үздік жоба деп Родион Игнатов пен Айжұлдыз Надирханованың «UARStuding» стартапы танылса, «Ғылым мен технология» бағытында Нұрберген Наурызбаевтың «Пластик қалдықтарын өңдеу арқылы мұнай мен жанармай көзін алу» бизнес-жобасы 350 мың теңгеге ие болды. «Әлеуметтік жобалар» бағытының үздігі Сүйерқұл Нұрмұхаммед, Мухамедзянов Мадияр, Жұмағалин Бекзаттың «Z Generation – The New Way To The Future» болды. «Туризм» бағытындағы үздік жоба Дана Есбергенованың «Городское водно-болотное угодье как модель экосистемы, устойчивой к антропогенному воздействию (на примере озера Караколь)» идеясы, «Агробизнесте» шаш пен тырнақтан тыңайтқыш жасауды ұсынған Байдаулет Азамат жеңді.

Стартап жобалар байқауына «MKS Logistics» ЖШС, «Mediana» ІТ-компаниясы, «EXPO&WOMEN», «Евровояж» тур агенттігі, «ТЕТИС» ЖШС демеушілік етуге ниет білдірді. Ал Маңғыстау облыстық білім басқармасы, «Mangystau» телеарнасы, «Атамекен» кәсіпкерлер палатасының, Маңғыстау облыстық филиалы байқау серіктестері атанды.